Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 472 Hüküm no: 591 Orijinal metin no: [73a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine Hatun’un kendisine emanet olarak verilen bileziği Ayşe bt. İvaz’a iade etmesi Ma‘rûz Zâtı ta‘rîf-i şer‘î ile mu‘arrefe olan Âişe bt. İvaz nâm hatun Bâb Mahkemesi’nde meclis-i şer‘de yine ta‘rîf-i şer‘î ile mu‘arrefe olan Emine bt. Mehmed nâm hatun mahzarında bundan akdem kırk guruş kıymetli bir çift altın bileziğimi mezbûre Emine Hatun’a bi-tarîkı’l-emâne def‘ ü teslîm eylediğimde ol dahi ber-vech-i muharrer yedimden ahz u kabz etmekle hâlâ zikr olunan bileziğimin aynı mevcûd ise aynı müstehlek ise ba‘de’s-sübût kıymet-i şer‘iyyesini mezbûre Emine Hatun’dan taleb ederim deyü da‘vâ eyledikde ol dahi ber-vech-i muharrer zikr olunan bir çift altın bilezik hâlâ mevcûd olup yedinde olduğunu ikrâr ve i‘tirâf etmeğin mûcebince zikr olunan bileziği müdde‘iye-i mezbûre Âişe’ye def‘ ü teslîme mezbûre Emine Hatun’a tenbîh olunduğu huzûr-ı âlîlerine i‘lâm olundu. Fî 4 S sene 1153.