Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 477 Hüküm no: 602 Orijinal metin no: [73b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Toros v. Avadik’in fakir ve dilenci olması sebebiyle cizyeden affı Ma‘rûz Erzincan kazâsına tâbi‘ Magaksi nâm karye ahâlîsinden sâhib-i arzuhâl Toros v. Avadik zimmî meflûc ve amel-mânde ve kâr [u] kisbe adem-i iktidârından suâl ile ta‘ayyüş edip ism-i mâl ıtlâk olunur nesnesi olmayıp ancak lâbis olduğu köhne libâsa münhasıra ve şurût-ı cizyeye mutâbık mu‘dim ve mu‘sir olduğunu karye-i mezbûre ahâlîsinden ahvâline ıttılâ‘-ı tâmmı olan Osman b. Ahmed ve Ahmed b. Ömer nâm kimesneler alâ-tarîkı’ş-şehâde Mahkeme-i Bâb’da haber vermeleriyle mesfûr Toros zimmînin cizyeden afv ve ıtlâkı meşrû‘ olduğu huzûr-ı âlîlerine [i‘lâm] olundu ma‘lûm-ı devlet-i âsafâneleri oldukda emr ü fermân. Fî 7 S sene 1153.