Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 476 Hüküm no: 601 Orijinal metin no: [73b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emetullah Hatun’un Salya’dan alacağı konusundaki iddiasını ispatlayamadığı Ma‘rûz Bundan akdem fevt olan Kalcı Salih b. Abdullah b. Abdurrahman’ın verâseti zevcesi Emetullah bt. Abdullah ile kebîr oğlu Veliyüddin ve kebîre kızı Havva’ya münhasıra olduğu lede’ş-şer‘i’l-enver zâhir ve müte‘ayyen oldukdan sonra zâtı ta‘rîf-i şer‘î ile mu‘arrefe olan derûn-ı mezkûretü’l-ism mezbûre Emetullah bi’t-terâzi Bâb Mahkemesi’nde meclis-i şer‘a ihzâr ettirdiği Salya Yahûdi’den mâl-ı mevrûsu olmak üzere iddi‘â eylediği yetmiş guruşu bundan akdem bin yüz elli senesi Muharreminin beşinci günü Bâb Mahkemesi’nde nâibü’ş-şer‘ olan fazîletlü Abdullah Efendi huzûrunda mesfûr Salya’dan ba‘de’d-da‘vâ ve’l-inkâr tavassut-ı muslihîn ile sekiz guruş bedel-i makbûza sulh olup husûs-ı mezbûra ve sâir hukūk-ı ma‘lûme ve mechûleye müte‘allıka âmme-i da‘vâdan zimmetini ibrâ ve ıskāt eylediğimi lede’l-mürâfa‘a ba‘de’l-inkâr zeyl-i hüccet-i mezkûrede muharrerü’l-esâmî Müslimîn ile mazmûn-ı hüccet ba‘de’s-sübût mezbûre dahi bi-tav‘ihâ mazmûn-ı hüccete ikrâr ve i‘tirâf etmeğin mûcebince müdde‘iye-i mezbûre Emetullah bi-gayr-ı vechin mu‘âraza[dan] men‘ olunduğu huzûr-ı âlîlerine i‘lâm olundu. Fî 7 S sene 1153.