Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 478 Hüküm no: 604 Orijinal metin no: [74a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed’in dükkânını Hogas’a kiraya verdiği Ma‘rûz Arzuhâl sâhibi el-Hâc Mehmed Bâb Mahkemesi’nde meclis-i şer‘de habbâz tâifesinden Hogas v. Ohan zimmî muvâcehesinde derûn-ı arzuhâlde mezkûre Haseki Sultan Hamamı köşesinde vâki‘ iki kepenk dükkânını canbazlar kethüdâsı Mehmed ve ustaları ma‘rifetleriyle târîh-i i‘lâm senesi Saferi’l-hayrın gurresinden beher şehr üç yüz akçeye mesfûr Hogas zimmîye îcâr ve teslîm ettikde ol dahi ber-vech-i muharrer kabûl etmeğin bu vechile kat‘-ı nizâ‘ eyledikleri huzûr-ı âlîlerine i‘lâm olundu. Fî 8 S sene 1153.