Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 479 Hüküm no: 606 Orijinal metin no: [74a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mıgırdıç’ın Nişancı Paşa mahallesinde ev kiralamayacağını taahhüd ettiği Ma‘rûz Mahmiye-i İstanbul’da Kumkapısı kurbünde Nişancı Paşa mahallesi İmâmı Mehmed Efendi ve eş-Şeyh İsmail Efendi ve müezzin Mehmed Halîfe ve sâir mazbûtü’l-esâmî kimesneler Bâb Mahkemesi’nde meclis-i şer‘de Mıgırdıç nâm zimmî muvâcehesinde mesfûr Mıgırdıç zimmî mahalle-i mezbûrede vâki‘ bir bâb menzile mutasarrıf olan gāib ani’l-meclis Ali Ağa nâm kimesneden menzil-i mezkûru istîcâr edip sâkin olmak murâd etmekle men‘ ü def‘ olunmak matlûbumuzdur deyü ba‘de’d-da‘vâ mesfûr Mıgırdıç zimmî dahi menzil-i mezkûru gāib-i mezbûrdan istîcâr eylediğini inkâr eylediğinden mâ‘adâ ba‘de’l-yevm menzil-i mezkûrda kat‘an alâka ve medhalim olmayıp sâkin olmamak üzere ta‘ahhüd eyledikde mezbûrûn dahi bu vechile mesfûr Mıgırdıç ile kat‘an da‘vâ ve nizâ‘ımız yokdur deyü ikrârları ba‘de’t-tasdîk tescîl ve huzûr-ı âlîlerine i‘lâm olundu. Fî-gurreti S sene 1153.