Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 479 Hüküm no: 608 Orijinal metin no: [74a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dayani ile onu yaralayan Mustafa Beşe arasındaki davada sulh sağlandığı Ma‘rûz Bakkāl tâifesinden Dayani zimmî Bâb Mahkemesi’nde Mumcu Mustafa Beşe mübâşeretiyle meclis-i şer‘a ihzâr ettirdiği Hasan Beşe muvâcehesinde târîh-i i‘lâmdan bir gün [mukaddem] mezbûr Hasan Beşe beni sol kolumun omuzu başından bıçak ile bi-gayr-ı hakkın amden darb ve cerh etmekle mûcib-i şer‘îsini mezbûr Hasan’dan taleb ederim deyü tasaddî eylediği da‘vâsından tavassut-ı muslihîn ile dört guruş bedel-i makbûza sulh olup cerh-i merkūma ve mâ yahdüsü minhe müte‘allıka âmme-i da‘vâdan mezbûrun zimmetini ibrâ ettikde ol dahi ibrâ-i mezkûru ba‘de’l-kabûl âmme-i da‘vâdan mesfûrun zimmetini ibrâ edip kat‘-ı nizâ‘ eyledikleri tescîl olunmuşdur. Fî 10 S sene 1153.