Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 480 Hüküm no: 609 Orijinal metin no: [74a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Azatlı annesinin talebine rağmen kızının kendi rızası ile Mustafa Efendi’nin yanında kaldığı Ma‘rûz Sâbıkā rıkkıyetini mu‘terife olan sâhibe-i arzuhâl Zeyneb bi’t-terâzi Mahkeme-i Bâb’da meclis-i şer‘a ihzâr ettirdiği mevlâsı es-Seyyid Mustafa Efendi ile ba‘de’l-mürâfa‘a mezbûr es-Seyyid Mustafa Efendi mezbûre Zeyneb’in sadriye kızı ve mezbûr es-Seyyid Mustafa Efendi’nin câriye-i memlûkesi olup hâlâ yedinde olan orta boylu, açık kaşlı, kara gözlü, mürâhıka Hatem’i bâ-fermân-ı âlî sebîlleri tahliye olunan Acem cinsinden olup ben mezbûr es-Seyyid Mustafa Efendi’nin yanından gitmiş idim, hâlâ kızım mezbûreyi dahi taleb ederim deyü da‘vâ sadedinde oldukda mezbûre Hatem vâlidesi mezbûre Zeyneb’i red ve mevlâsı mezbûr es-Seyyid Mustafa Efendi’den râzı ve hoşnûd olup mezbûr es-Seyyid Mustafa Efendi’nin yanında olmağa kendi rızâsıyla tâlibe olmağla mezbûr es-Seyyid Mustafa Efendi mezbûre Hatem’i âhara bey‘ etmemek üzere ba‘de’t-ta‘ahhüd mezbûr es-Seyyid Mustafa Efendi’ye minvâl-i muharrer üzere kuzâtdan es-Seyyid Ömer Efendi kefîl ve mezbûre Zeyneb dahi râzı olup bu vechile kat‘-ı nizâ‘ eyledikleri tescîl ve huzûr-ı âlîlerine i‘lâm olundu. Fî 9 S sene 1153.