Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 482 Hüküm no: 614 Orijinal metin no: [74b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kazzaz Paruh’un bükmek üzere Ahmed’e verdiği ipeğin Paruh’a teslim edilmesi Bâ-mühr-i efendi Ma‘rûz Kazzâz tâifesinden Paruh v. Salomon nâm Yahûdi meclis-i şer‘de Ahmed b. Mehmed nâm kimesne muvâcehesinde târîh-i i‘lâmdan bir ay mukaddem mâlımdan işbu meclis-i şer‘de mu‘âyene olunan mecmû‘u yüz guruş kıymetli on …? ham ipeğimi bükmek için mezbûr Ahmed’e def‘ ü teslîm etmiş idim, hâlâ taleb eylediğimde red ve teslîmden imtinâ‘ eder deyü da‘vâ ol dahi cevâbında kazıyye müdde‘î-i mezbûrun takrîr-i meşrûhu üzere olduğunu ikrâr etmeğin mûcebince zikr olunan ipeği müdde‘î-i mezbûra teslîme merkūm Ahmed’e tenbîh olunduğu ba‘de’t-tescîl huzûr-ı âlîlerine i‘lâm olundu. Hurrire fî 9 S sene 1153.