Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 483 Hüküm no: 616 Orijinal metin no: [74b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kostantin reisin Akdeniz’den gemisiyle buğday getirmesine engel olunmaması Bâ-mühr-i efendi Ma‘rûz Sâhib-i arzuhâl Kostantin reis sevâhil-i Bahr-i sefîdden Ezine-i Kazdağı kazâsı havâlîsinden mâlıyla bin beş yüz keyl hınta iştirâ ve sefînesine tahmîl ve doğru Âsitâne’ye getirmek şartıyla reis-i merkūmun nefsine ve hîn-i mutâlebede ihzârına Kasımpaşa kasabasında Kulaksız mahallesinde sâkin mütevellî Hüseyin Ağa b. el-Hâc Ömer Efendi ona dahi gemiciler kethüdâsı el-Hâc Mehmed b. Ahmed ve yiğitbaşı es-Seyyid Süleyman b. el-Hâc Mehmed kefîl oldukları ba‘de’t-tescîl ber-vech-i muharrer tahmîl ve nakline mümâna‘at olunmamak üzere fermân-ı âlî iltimâs eyledikleri huzûr-ı âlîlerine i‘lâm olundu. Fî 11 sene 1153.