Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 483 Hüküm no: 617 Orijinal metin no: [74b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kiragos’un ölmüş olan Kabril’e olan borcu konusunda varisler ile anlaşma sağlandığı Bâ-mühr-i efendi Ma‘rûz Derûn-ı arzuhâlde mastûrü’l-ism Kabril nâm hâlikin verâseti li-eb kız karındaşı Agusto nâm Nasrâniye ile li-ebeveyn er karındaşı sâhib-i arzuhâl Agyazar nâm zimmîye ba‘de’l-inhisar mezbûre Agusto tarafından sulh ve ibrâya sâbitü’l-vekâle vekîli olan zevci Haçik zimmî vekâleten ve mezbûr Agyazar asâleten meclis-i şer‘de Kiragos v. Sahak nâm zimmî muvâcehesinde hâlik-i mesfûrun mesfûr Kiragos zimmetinde cihet-i karzdan yüz guruş hakkı olup meblağ-ı mezbûru kable’l-ahz mesfûr Kabril hâlik olup meblağ-ı mezbûr bize mevrûs olmuş idi, hâlâ asâleten ve vekâleten taleb ederiz deyü eyledikleri da‘vâlarından mesfûr Kiragos ile an-inkâr yirmi guruş bedel-i makbûza sulh olup âmme-i da‘vâdan mesfûr Kiragos’un zimmetini ibrâ ve ıskāt edip bu vechile kat‘-ı nizâ‘ eyledikleri huzûr-ı âlîlerine i‘lâm olundu. Fî 13 S sene 1153.