Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 485 Hüküm no: 621 Orijinal metin no: [75a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Manav Mehmed’in tekneciler esnafının işine karışmaması Ma‘rûz Mahmiye-i İstanbul’da Zindankapısı hâricinde vâki‘ tekneciler kethüdâsı Süleyman b. Mehmed ve hırfet-i mezkûreden Mehmed b. Mustafa ve İbrahim b. Mustafa ve Mehmed b. Ali ve sâir cerîdede mazbûtü’l-esâmî kimesneler meclis-i şer‘de Yemiş İskelesi kurbünde manav tâifesinden Mehmed b. Sefer nâm kimesne muvâcehesinde kadîmü’l-eyyâmdan bu âna gelince işbu yedimizde olan fermân-ı âlî mûcebince küfe ve kürek ve ıhlamurun bey‘ ü şirâsı bize mahsûs olup âharın kat‘an alâka ve medhali yoğiken mezbûr Mehmed hilâf-ı emr-i âlî hareket ve nizâmımıza halel verir deyü teşekkî ve mazmûnu takrîr-i meşrûhlarına muvâfık emr-i âlî ibrâz eylediklerinde mezbûr Mehmed’e hilâf-ı emr-i âlî hareket etmemek üzere tenbîh olunduğu huzûr-ı âlîlerine i‘lâm olundu. Fî 13 S sene 1153.