Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 490 Hüküm no: 631 Orijinal metin no: [75b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Simkeş Ahmed Çelebi’nin kuyumcu dükkânlarını Mehmed Çelebi’ye kiraladığı Ma‘rûz Sîmkeş Ahmed Çelebi b. Ahmed nâm kimesne Bâb Mahkemesi’nde meclis-i şer‘de kuyumcu esnafının ehl-i hibresi Mehmed Çelebi b. Osman nâm kimesne mahzarında mezbûr Ahmed Çelebi kuyumcular sûkunda bilezikciler hanında sıra odaları demekle ma‘rûf mahalde vaki‘ beş bâb kuyumcu dekâkînini beher şehr otuzar akçe icâresin taraf-ı vakf-ı şerîfe dekâkîn-i merkūmede sâkin olanlar edâ etmek üzere târîh-i i‘lâm senesi Saferi’nin on beşinci gününden bir sene tamâmına değin beher şehr ikişer yüz yetmişer akçe kirâ ve icâre mümâsili ile merkūm Mehmed Çelebi’ye ikrâ ve îcâr ve teslîm ettikde ol dahi ber-vech-i muharrer ba‘de’l-istîcâr ve’l-kabûl dekâkîn-i mezkûru küfelâsıyla âhara îcâra ta‘ahhüd etmekle ol vechile beynleri musâfât ve kat‘-ı nizâ‘ eyledikleri huzûr-ı âlîlerine i‘lâm olundu. Fî 17 S sene 1153.