Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 489 Hüküm no: 630 Orijinal metin no: [75b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Efendi’nin Emine Hatun’dan aldığı cariyenin iadesi davasından vazgeçtiği İbrâ Ma‘rûz Muhzır Süleyman mübâşeretiyle Bâb Mahkemesi’ne ihzâr olunan Emine bt. Mustafa nâm hatunun hasmı es-Seyyid Mustafa Efendi b. Salih Efendi meclis-i şer‘de mezbûre Emine Hatun mahzarında târîh-i i‘lâmdan iki buçuk ay mukaddem orta boylu, açık kaşlı, kara gözlü, Gürciyyetü’l-asl Pürsafa nâm câriyesini cemî‘ uyûbdan sâlime olmak üzere üç yüz dokuz guruş semen-i medfû‘ ve makbûza iştirâ ve tesellüm edip hâlâ câriye-i mezbûrenin sağ dizinde veca‘ olup inde’t-tüccâr noksân semen îcâb eder uyûbdandır, red murâd ederim deyü da‘vâya tasaddî etmiş idim, hâlâ ber-vech-i muharrer da‘vâ-yı mezkûremden fâriğ olup câriye-i mezkûreye müte‘allıka âmme-i da‘vâdan mezbûre Emine Hatun’un zimmetini ibrâ ve ıskāt eyledim dediği tescîl ve huzûr-ı âlîlerine i‘lâm olundu. Fî 17 S sene 1153.