Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 491 Hüküm no: 634 Orijinal metin no: [75b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ev hissesi konusundaki davada Saliha’nın hisse sahibinin kızı olduğunun tespit edildiği Ma‘rûz Sâhibe-i arzuhâl Âişe Mahkeme-i Bâb’da meclis-i şer‘de derûn-ı arzuhâlde zikr olunan vakıf menzilin nısfına mutasarrıfa olan Fâtıma Hatun muvâcehesinde vakf-ı mezbûr mütevellîsi İsmail Efendi hâzır olduğu halde menzil-i mezkûrun nısfı benim ve nısf-ı âharı zevcim Yusuf nâm kimesnenin tasarrufunda iken hâlâ mezbûr Yusuf Sohum kal‘asına gidip anda vefât etmekle tasarrufunda olan nısf menzil zikr olunan Sohum kal‘asında sâkine sulbiye kızı Saliha nâm sagīreye intikāl etmiş iken mütevellî-yi mezbûr merkūm Yusuf bilâ-veled fevt olup nısf menzil vakfa âid olmak zu‘muyla mezbûre Fâtıma’ya bi’t-tevliye ferâgat etmişdir deyü da‘vâ eyledikde mezbûre Âişe’nin takrîri üzere sagīre-i mezbûre hâzıra olup mütevellî-yi merkūmun muvâcehesinde müteveffâ-yı mezbûr Yusuf sulbiye kızı olduğu vech-i şer‘î üzere sâbit olmağla muhtâc olduğu huzûr-ı âlîlerine i‘lâm olundu. Fî 18 S sene 1153.