Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 491 Hüküm no: 635 Orijinal metin no: [75b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdullah’ın Mustafa’ya olan borcunun kabul ettiği kısmını ödemesi, geri kalan kısmın ise beyana havale olunması Ma‘rûz Muhzır Hasan mübâşeretiyle Bâb Mahkemesi’nde meclis-i şer‘a ihzâr olunan Abdullah zimmetinde hasmı Mustafa’nın demir semeninden müdde‘âsı olan elli buçuk guruşdan yirmi beş buçuk guruşunu mezbûr Abdullah ikrâr edip mâ‘adâyı inkâr eylediğinden sonra meblağ-ı mezbûrun gāib ani’l-meclis hizmetkârı Hasan yediyle altı guruş ve kendim dahi sekiz buçuk guruş kıymetli bir tüfenk ve on guruş kıymetli bir demir kapak verdim deyü ba‘de’d-def‘ ve’l-inkâr ikrâr ve i‘tirâf eylediği meblağ-ı mezbûr yirmi beş buçuk guruşu müdde‘î-i mezbûra edâ ve teslîme mezbûr Abdullah’a ba‘de’t-tenbîh ziyâde müdde‘â ve def‘leri için her biri beyâna havâle olunduğu huzûr-ı âlîlerine i‘lâm olundu. Fî 14 S sene 1153.