Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 494 Hüküm no: 640 Orijinal metin no: [76a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed’in kiracısı olan Yusuf’un evi tahliye etmesi Ma‘rûz Mumcu Mehmed Beşe mübâşeretiyle Bâb Mahkemesi’ne ihzâr olunan Yusuf’un hasmı Ahmed nâm kimesne meclis-i şer‘de mezbûr Yusuf mahzarında İstanbul’da Debbâğ Yunus mahallesinde vâki‘ mutasarrıf olduğum menzilimde mezbûr Yusuf sâkin olmağla menzil-i mezkûru tahliye ve bana teslîme tenbîh olunmak murâdımdır deyü da‘vâ ol dahi ber-vech-i muharrer ikrâr ve i‘tirâf etmeğin mûcebince menzil-i mezkûru tahliye ve müdde‘î-i mezbûr Ahmed’e teslîme mezbûr Yusuf’a tenbîh olunduğu huzûr-ı âlîlerine i‘lâm olundu. Fî 18 S sene 1153.