Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 496 Hüküm no: 645 Orijinal metin no: [76a-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havva’nın evinden haksız yere eşyalarını alan Ümmühani’nin eşyaları ya da mevcut değilse kıymetlerini vermesi Ma‘rûz Mumcu Ömer Beşe mübâşeretiyle Bâb Mahkemesi’ne ihzâr olunan zâtı ba‘de’t-ta‘rîfi’ş-şer‘î Ümmühani nâm hatunun hasmı ve zevcesi Havva bt. Abdullah nâm hatun tarafından vekîl-i sâbitü’l-vekâlesi Hasan Efendi nâm kimesne meclis-i şer‘de mezbûre Ümmühani muvâcehesinde târîh-i i‘lâmdan yedi buçuk ay mukaddem müvekkilem mezbûrenin eşyâ-i memlûkesinden yedimde olan defter-i müfredât mantûkunca mezbûre Ümmühani menzilimden bi-gayr-ı hakkın ahz u kabz etmekle mevcûd ise aynlarını müstehlek ise ba‘de’s-sübût kıymet-i şer‘iyyelerini taleb ederim deyü da‘vâ ettikde ol dahi cevâbında ber-vech-i muharrer defter mûcebince müvekkile-i mezbûrenin eşyâ-i ma‘lûmesini ahz u kabzını ikrâr edicek ikrârı mûcebince olan eşyânın aynları mevcûd ise aynlarını müstehleke olanın ba‘de’s-sübût kıymet-i şer‘iyyelerini müvekkile-i mezbûreye edâya mezbûre Ümmühani’ye tenbîh olunduğu huzûr-ı âlîlerine i‘lâm olundu. Fî 19 S sene 1153.