Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 506 Hüküm no: 666 Orijinal metin no: [78a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Ağa’nın Avanes’e olan borcunu taksitle ödeyeceği Sâhib-i arzuhâl Avanes zimmî meclis-i şer‘de derûn-ı arzuhâlde mezkûrü’l-ism Hasan Ağa mahzarında mezbûr Hasan Ağa’ya ber-mûceb-i i‘lâm mahkûmun-bih olan altmış guruşu, merkūm zimmî fakīr ve mu‘dim olup hâlâ ve def‘aten edâya iktidârı olmayıp tecîl ve taksîte tâlib olduğundan mezbûr Hasan Ağa dahi her otuz gün tamâmında kendüye birer buçuk guruş verip târîh-i i‘lâmdan kırk ay tamâmına değin meblağ-ı mecmû‘-ı mezkûru edâ etmek üzere merkūm Avanes zimmîyi tecîl ve taksît eylediğinde ol dahi ber-vech-i muharrer kabûl ve müddet-i mezbûre tamâmına değin meblağ-ı mezkûru mezbûr Hasan Ağa’ya müeccelen ve taksîten edâya ta‘ahhüd eylediği mahkeme-i bâbda tescîl ve huzûr-ı âlîlerine i‘lâm olundu. Fî 26 S sene 1153.