Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 509 Hüküm no: 671 Orijinal metin no: [78b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rukiye’nin borca karşılık mücevher verdiği iddiasını ispatlayamadığı Bâ-mühr-i efendi Ma‘rûz Sâhibe-i arzuhâl Rukiye Hatun zâtı ba‘de’t-ta‘rîfi’ş-şer‘î meclis-i şer‘de derûn-ı arzuhâlde mastûrü’l-ism Sîmkeş Mehmed Çelebi b. Süleyman muvâcehesinde bundan akdem mezbûr Mehmed Çelebi’den üç yüz guruş istikrâz murâd eylediğimde meblağ-ı mezbûru kable’l-kabz mâlımdan kıymetleri beynimizde ma‘lûm yetmiş miskāl iki başlı bir altın kuşak ve elli miskāl bir çift altın bilezik ve yüz guruş kıymetli bir çift zümrüd habbe küpe rehin olmak üzere mezbûr Mehmed Çelebi’ye teslîm ol dahi tesellüm etmiş idi, hâlâ eşyâ-i mezbûremi mezbûr Mehmed Çelebi ba‘de’t-tahlîfi’ş-şer‘î mûcebince müdde‘iye-i mezbûre Rukiye bilâ-beyyine bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 25 S sene 1153.