Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 512 Hüküm no: 677 Orijinal metin no: [78b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Beşe’nin diğer Mustafa’ya olan borcunu ödemesi Ma‘rûz Mumcu Mehmed Beşe mübâşeretiyle Bâb Mahkemesi’ne ihzâr olunan Mustafa Beşe’nin hasmı diğer Mustafa meclis-i şer‘de mezbûr Mustafa Beşe muvâcehesinde zimmetinde cihet-i karz-ı şer‘iyyeden altı guruş kırk akçe hakkım olmağla meblağ-ı mezbûru taleb ederim deyü ba‘de da‘vâ ve inkâr müdde‘î-i mezbûr ber-vech-i muharrer müdde‘âsını şuhûd-ı udûlle mezbûr muvâcehesinde vech-i şer‘î üzere isbât etmeğin mûcebince meblağ-ı mezbûr altı guruş kırk akçeyi müdde‘î-i mezbûr diğer Mustafa’ya edâ ve teslîme mezbûr Mustafa Beşe’ye tenbîh olunduğu huzûr-ı âlîlerine i‘lâm olundu. Fî 5 Rebî‘ sene 1153.