Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 512 Hüküm no: 679 Orijinal metin no: [79a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali ile Saliha’nın oğulları Ahmed’i öldürüp kaçan Ebubekir’in kefillerinden katili istemelerinin meşru olmadığı Bâ-mühr-i hazret-i efendi Ma‘rûz Sâhib-i arzuhâl Ali ve zevcesi Saliha zâtı ba‘de’t-ta‘rîfi’ş-şer‘î meclis-i şer‘de nalband tâifesinden İbrahim b. Hüseyin ve Mustafa b. Mehmed ve Ahmed b. Mehmed muvâcehelerinde târîh-i i‘lâmdan yirmi gün mukaddem Havâss-ı Refî‘a kazâsına tâbi‘ Gümrükcü Çiftliği demekle ma‘rûf çiftlik kurbünde oğlum Ahmed’i gāib ani’l-meclis Ebubekir nâm kimesne bi-gayr-ı hakkın katl ve firâr ve gaybet-i munkatı‘a ile gāib olup mezbûrûn merkūm Ebubekir’in nefsine ve hîn-i mutâlebede meclis-i şer‘a ihzârına kefîl olmalarıyla gāib-i mezbûru mezbûrûndan taleb ederiz deyü da‘vâ onlar dahi inkâr ettiklerinden mâ‘adâ müdde‘iyân-ı mezbûrânın takrîr-i meşrûhları üzere gāib-i mezbûrun mekânı ma‘lûm olmayıp mezbûrûndan taleb meşrû‘ olmamağla suâl teveccüh etmeyip müdde‘iyân-ı mezbûrân Ali ve Saliha bî-vech mu‘ârazadan men‘ olundukları huzûr-ı âlîlerine i‘lâm olundu. Bâkī fermân men-lehü’l-emrindir. Hurrire fî 29 Saferi’l-hayr sene 1153.