Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 513 Hüküm no: 680 Orijinal metin no: [79a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Angeli’ye miras kalan evle ilgili dava için evde oturan Mustafa’nın beklendiği Ma‘rûz Şahsı ta‘rîf-i şer‘î ile mu‘arrefe olan sâhib-i arzuhâl Angeli Nasrâniye Bâb Mahkemesi’nde meclis-i şer‘de Dergâh-ı âlî yeniçerilerinin elli üç bölüğe mahsûs oda mühimmâtına mevkūfe nukūdun mütevellîsi olup derûn-ı arzuhâlde mezkûrü’l-ism Ebubekir Odabaşı ve Ali Odabaşı nâm kimesnelerden mesfûre Angeli babası Espero nâm hâlikden müntakil mülk-i mevrûsu olmak üzere iddi‘â eylediği Darıca nâm karyede vâki‘ menzil karye-i mezbûre sükkânından gāib ani’l-meclis Mustafa b. Murtaza’nın hâlâ yedinde olup mezbûrân Ebubekir Odabaşı ve Ali Odabaşı vâzı‘u’l-yed olmamağla mesfûrenin gāib-i mezbûr Mustafa hâzır olmadıkça mezbûrândan da‘vâsı sahîh olmayıp gāib-i mezbûrun huzûruna tevkīf olunduğu huzûr-ı âlîlerine i‘lâm olundu. Fî-selhi S sene 1153.