Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 535 Hüküm no: 722 Orijinal metin no: [83a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed ve hanımı Hatice’nin kaybettikleri bazı eşyaları aldıkları Bâ-mühr-i efendi Ma‘rûz Derûn-ı arzuhâlde isimleri mastûr Mehmed ile zevcesi olup zâtı ta‘rîf-i şer‘î ile mu‘arrefe olan Hadîce Hatun meclis-i şer‘de sâhib-i arzuhâl Ohan zimmî muvâcehesinde bundan akdem mahmiye-i İstanbul’da Süleyman Ağa mahallesinde vâki‘ menzilimizden zâyi‘ eylediğimiz ber-mûceb-i defter eşyâ-i memlûke-i ma‘lûmemizden mesfûr Ohan yedinde olan bulduğumuz işbu mu‘âyene olunan bir sincab kürk ve bir anteri ve bir dolamayı bi’l-istihkāk bundan akdem şer‘an da‘vâ ve ba‘de’l-isbât ve’l-hükm ahz u kabz etmiş idik, hâlâ mâ‘adâsını dahi merkūm Ohan’dan taleb ederiz deyü eyledikleri da‘vâları meşrû‘ olmamağla mezbûrân bî-vech mu‘ârazadan men‘ olundukları huzûr-ı âlîlerine i‘lâm olundu. Fî 28 S sene 1153.