Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 534 Hüküm no: 721 Orijinal metin no: [83a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havva Hatun’un kerpiç işi yapmayacağına dair taahhütte bulunduğu Ma‘rûz İstanbul’da Dırağman kurbünde Kefeli mahallesi imâmı Mustafa Efendi ve müezzini Molla Mustafa ve ahâlîden İshak Çavuş Ağa ve el-Hâc Ali Ağa ve Ahmed Efendi ve el-Hâc Ebubekir ve Hüseyin Çelebi ve es-Seyyid Osman ve Ali Bey ve Mustafa ve Süleyman nâm kimesneler Bâb Mahkemesi’nde Muhzır Ali mübâşeretiyle meclis-i şer‘a ihzâr ettirdikleri Havva bt. Mustafa nâm hatun ile terâfü‘lerinde ba‘de’l-münâza‘a mezbûre Havva Hatun taht-ı tasarrufunda olup mahalle-i mezbûrede vâki‘ ma‘lûmü’l-hudûd arsa-i hâliyesi derûnunda mevcûd ma‘lûmü’l-aded ve’l-mikdâr kerpici ba‘de’l-bey‘ fîmâ-ba‘d kerpiç işlenmeyip arsa-i mezkûreyi bostan yâhûd âhardan ehl-i ırz kimesnelere kirâ ile îcâr etmek üzere ta‘ahhüd eyledikde onlar dahi râzılar olup kat‘-ı nizâ‘ ettikleri huzûr-ı âlîlerine i‘lâm olundu. Fî 10 Ra sene 1153.