Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 538 Hüküm no: 729 Orijinal metin no: [83b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bürüncek bükücü esnafından Avanes’in nizama aykırı hareket etmemek üzere taahhüt ettiği Ma‘rûz Bürüncek bükücü hırfetinden kethüdâları Hasan Beşe ve yiğitbaşıları Ahmed Beşe ve yedi nefer mazbûtü’l-esâmî Müslim ve zimmîler Bâb Mahkemesi’nde hırfet-i mezbûre erbâbından Mumcu Yusuf Beşe mübâşeretiyle meclis-i şer‘de ihzâr ettirdikleri Avanes v. David zimmîden mesfûr Avanes zimmînin hâlâ meclis-i şer‘de müşâhede olunan dört aded bürünceğe âdetâ olunagelenden noksân üzere olduğundan mâ‘adâ bizlere adem-i itâ‘at ile nizâmımıza halel vermeğe bâ‘is olur deyü teşekkîlerinde mezbûr Avanes zikr olunan bürüncekler şâkirdlerinden noksân sarılıp benim alâkam yokdur deyü inkâr etmekle ba‘de’l-yevm işlendiği bürüncekleri kâmil ve pâk işledip ve mezbûrlara aslâ ve kat‘â muhâlefet etmemek üzere ta‘ahhüd ettikden sonra taraf-ı şer‘den mezbûr Avanes’e ba‘de’t-tenbîh kat‘-ı nizâ‘ eyledikleri huzûr-ı âlîlerine i‘lâm olundu. Fî 16 R sene 1153.