Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 539 Hüküm no: 732 Orijinal metin no: [83b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa’nın boşandığı hanımı Havva’ya olan mehir borcunu taksitle ödeyeceği Ma‘rûz Mumcu el-Hâc Mustafa Beşe mübâşeretiyle Bâb Mahkemesi’ne ihzâr olunan Mustafa’nın hasmı Havva bt. Mehmed zâtı ba‘de’t-ta‘rîfi’ş-şer‘î meclis-i şer‘de mezbûr Mustafa mahzarında mezbûr Mustafa zevcim olup târîh-i i‘lâmdan üç gün mukaddem talâk-ı selâse ile beni tatlîk etmekle zimmetinde mütekarrer ve ma‘kūdün-aleyh elli guruş mehr-i müeccelimi taleb ederim deyü ba‘de’d-da‘vâ ve’l-ikrâr lâkin meblağ-ı mezbûr elli guruşu hâlâ ve def‘aten edâya iktidârı olmayıp tecîl ve taksîte tâlib olduğunda ol dahi beher şehr kendüye ikişer guruş verip târîh-i i‘lâmdan yirmi beş ay tamâmına değin meblağ-ı mezkûru tamâmen edâ ve teslîm etmek üzere tecîl ve taksît eyledikde mezbûr Mustafa dahi kabûl ve ber-vech-i muharrer müeccelen ve mukassaten edâya ta‘ahhüd eylediği huzûr-ı âlîlerine i‘lâm olundu. Fî 17 Ra sene 1153.