Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 539 Hüküm no: 733 Orijinal metin no: [83b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin’in alacağına kefil olan on dört yaşındaki kardeşi Ali’den parayı talebinin meşru olmadığı Ma‘rûz Muhzır Ali mübâşeretiyle Bâb Mahkemesi’ne ihzâr olunan tahmînen on dört yaşında olan Ali nâm şâbb-ı emredin hasmı el-Hâc Hüseyin meclis-i şer‘de mezbûr Ali mahzarında mezbûr Ali’nin er karındaşı gāib ani’l-meclis Mehmed b. Mustafa b. Mahmud’a beynimizde ma‘lûm eşyâ semeninden zimmetinde kırk bir guruş hakkım olmağla meblağ-ı mezbûra merkūm Ali bi’l-emr ve’l-kabûl kefîl ve zâmin olmağla meblağ-ı mezbûrdan sekiz guruşunu mezbûr Ali yedinden ba‘de’l-ahz ve’l-kabz bâkī otuz üç guruş hakkım kalmağla taleb ederim deyü da‘vâ ettikde ol dahi inkârından mâ‘adâ mezbûr Ali şâbb-ı emred ve mazınna-i töhmet olup bu makūle da‘vânın istimâ‘ı memnû‘âtdan olmağla mezbûr el-Hâc Hüseyin’in da‘vâsına iltifât olunmayıp mezbûr el-Hâc Hüseyin meblağ-ı mezbûr mutâlebesiyle merkūm Ali’yi rencîdeden men‘ olunduğu huzûr-ı âlîlerine i‘lâm olundu. El-emru li-men-lehü’l-emr. Fî 17 min-Rebî‘ülevvel sene 1153.