Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 541 Hüküm no: 736 Orijinal metin no: [84a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kamal’in Hatice Hatun’a ait dükkânı tahliye edeceği Ma‘rûz Sâhibe-i arzuhâl Hadîce Hatun ba‘de’t-ta‘rîfi’ş-şer‘î Bâb Mahkemesi’nde meclis-i şer‘-i enverde derûn-ı arzuhâlde mezkûrü’l-ism Kamal nâm Yahûdi muvâcehesinde mesfûr Kamal Yahûdi benim derûn-ı arzuhâlde zikr olunan bostan-ı cedîdde Fincaniler kapısı dâhilinde vâki‘ bir bâb dolab ve dükkânımda müşâhereten müste’cirim olup ancak işbu şehr-i âtî gurresinde mesfûr Yahûdi ile fesh-i akd icâre edip gurre-i merkūmeden dükkân-ı mezkûru tahliye ve bana teslîme tenbîh olunması murâdımdır deyü da‘vâ ve mesfûr Yahûdi dahi kaziyye minvâl-i muharrer üzere olduğunu ikrâr ve i‘tirâf etmeğin mûcebiyle re’s-i şehr-i mezkûrda fesh-i icâre ve dükkân-ı mezkûru tahliye ve müdde‘iye-i mezbûreye redd ü teslîme Yahûdi-yi mesfûra tenbîh olunduğu ba‘de’t-tescîl huzûr-ı âlîlerine i‘lâm olundu. Bâkī fermân men-[lehü’l-]emrindir. Fî 18 Ra sene 1153.