Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 540 Hüküm no: 735 Orijinal metin no: [84a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma Hatun’dan kalan ev davasında sulh olduğu Ma‘rûz Derûn-ı arzuhâlde mezkûretü’l-ism Zeyneb Hatun zâtı ba‘de’t-ta‘rîfi’ş-şer‘î Bâb Mahkemesi’nde meclis-i şer‘de arzuhâl sâhibleri Ahmed ile Fâtıma Hatun bt. Abdullah’ın zevci ve vekîl-i müsecceli İbrahim Efendi muvâcehelerinde zî-rahm cihetinden vârisesi olduğum müteveffiye Fâtıma Hatun’un İstanbul’da Kızlarağası mahallesinde vâki‘ ma‘lûmü’l-hudûd ve’l-müştemilât mülk menzil ile’l-vefât yedinde mülk ve hakkı olup ba‘de vefâtihâ bana mevrûs olmuş iken mezbûrân Ahmed ve müvekkile Fâtıma bi-gayr-ı hakkın iştirâken zabt ve tasarruf ederler deyü tasaddî eylediği da‘vâsından tavassut-ı muslihîn ile yirmi iki guruş bedel-i makbûza sulh olup menzil-i mezkûra müte‘allıka âmme-i da‘vâdan mezbûrân Ahmed ve müvekkile Fâtıma Hatun’un zimmetlerini ibrâ-i âmm-ı katı‘u’n-nizâ‘la ibrâ ve ıskāt edip bu vechile kat‘-ı nizâ‘ eyledikleri tescîl ve huzûr-ı âlîlerine i‘lâm olundu. Fî 18 Ra sene 1153.