Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 546 Hüküm no: 747 Orijinal metin no: [85a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yaralama davasında sulh olduğunun isbatı Bâ-mühr-i efendi Sâhib-i arzuhâl Bogos nâm zimmî hasmı Kosta zimmîden dîvân-ı âlîlerinde ma‘kūd meclis-i şer‘de mezbûr Kosta târîh-i kitâbdan on altı gün mukaddem Topkapısı’nda sağ küreğim altından beni bıçak ile bi-gayr-ı hakkın darb ve cerh eyledi deyü da‘vâ ol dahi işbu yedimde olan Davudpaşa Nâibi Ahmed Efendi’nin i‘lâmı ve hüccet-i şer‘iyyesi mûcebince on gün mukaddem merkūm Bogos cerh-i mezkûru tarafımdan vekîlim Dimitri nâm zimmî ile an-inkâr on yedi guruş bedel-i makbûza sulh ve cerh-i mezkûra müte‘allıka da‘vâdan benim zimmetimi ibrâ ve ıskāt eyledi deyü ba‘de’d-def‘ ve’l-inkâr mazmûn-ı hüccet-i mezbûreyi merkūm Kosta lede’ş-şer‘ adâletleri zâhir ve zeyl-i hüccetde isimleri mektûb Abdi Ağa b. Yusuf ve Ali Usta b. Ahmed şehâdetleriyle ba‘de’l-isbât müdde‘î-i merkūm Bogos mesfûr Kosta’ya bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 27 min-Rebi‘ülevvel sene 1153.