Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 555 Hüküm no: 765 Orijinal metin no: [87a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice ve Ayşe hatunların elinde bulunan vakıf arsaların birikmiş mukataalarını ödemeleri Ma‘rûz Arzuhâl eden Rukiye bt. Mehmed nâm hatun ile el-Hâc Ali nâm müteveffânın oğlu Şeyh Ahmed ve kızı Afife’nin zâtları ba‘de’t-ta‘rîf Bâb Mahkemesi’nde meclis-i şer‘de merhûm Şeyh Ebulvefâ Zâviyesi kurbünde Molla Hüsrev mahallesi sâkinelerinden Hadîce Hatun’un li-ebeveyn er karındaşı ve tarafından vekîl-i sâbitü’l-vekâle Abdulkadir ve Âişe Hatun tarafından kezâlik vekîl-i müseccel-i şer‘îsi el-Hâc Ali nâm kimesneler ile terâfü‘lerinde müvekkile-i mezbûre Hadîce’nin menzil arsasının senevî dokuz on iki akçe mukāta‘ası ve mezbûre Âişe’nin kezâlik menzil arsasının senevî üç yüz akçe mukāta‘ası olup evlâd-ı vâkıfa bilâ-nizâ‘ edâ eylediklerini bundan akdem İstanbul kādısı olan sa‘âdetli semâhetli Kırımî Mehmed Efendi hazretlerinin huzûrunda ba‘de’l-mürâfa‘a sâbit olmağla müdde‘iyûn-ı mezbûrûn yedlerine sübûtunu müş‘ir ve bin yüz elli üç senesi Rebî‘ülevvelinin yirminci günü târîhiyle müverrah bir kıt‘a i‘lâm verdiği vekîlân-ı mezbûrân bi’l-vekâle ikrâr ve i‘tirâf etmeleriyle müvekkilân-ı merkūmânın târîh-i i‘lâma gelince müctemi‘ olan mukāta‘ayı müdde‘iyûn-ı mezbûrûna edâya vekîlân-ı mezbûrâna tenbîh olunmuşdu, hâlâ sâdır olan fermân-ı âlîlerine imtisâlen huzûr-ı âlîlerine i‘lâm olundu. Fî 8 min-Rebî‘ülâhir sene 1153.