Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 564 Hüküm no: 783 Orijinal metin no: [88b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yanaki’nin İstanbul’a buğday getirmesine engel olunmaması Bâ-mühr-i efendi Ma‘rûz Ashâb-ı sefâinden el-Hâc Mehmed b. Musa’nın reisi sâhib-i arzuhâl Marmaralı Yanaki zimmî râkib olduğu çekleve ta‘bîr olunur dört bin keyl hınta alır sefîne ile Akdeniz’de Gümülcine kazâsında vâki‘ Karaağaç iskelesine varıp kendi mâlıyla ne mikdâr keyl hınta iştirâ ve tahmîl ve ne vakitde avdet eder mufassalan kazâ-i mezkûr nâibinden hüccet-i şer‘iyye ettirdikden sonra harbî kefereye ve âhar mahallerde bey‘ etmeyip doğru Âsitâne-i sa‘âdete getirip kapan-ı dakīkde bey‘ etmek şartıyla mezbûr Yanaki reisin nefsine ve ihzârına sefîne sâhibi mezbûr el-Hâc Mehmed ile navluncu tâifesinden el-Hâc Abdurrahman ve es-Seyyid Eyüb ve el-Hâc Osman ve el-Hâc Halil nâm kimesneler ve mezbûrûna dahi hâlâ gemiciler yiğitbaşısı es-Seyyid Süleyman’ın kefâletleri tescîl olundukdan sonra reis-i mezkûr Yanaki Akdeniz rüesâsından olduğunu dahi ihbâr etmeleriyle mahall-i mezbûrda iştirâ ve tahmîl ve mürûruna mümâna‘at olunmamak üzere tuğrâlı emr-i âlî recâsında olduğu huzûr-ı âlîlerine i‘lâm olundu. Fî 16 min-şehri Rebî‘ülâhir sene 1153.