Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 564 Hüküm no: 782 Orijinal metin no: [88b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Beşe, Bostancı Ali ve Süleyman Beşe’nin, hasımlarıyla Kastamonu’da mahkemeye çıkmaları Bâ-mühr-i efendi Ma‘rûz Arzuhâl eden Zarı kazâsı ahâlîsinden Ahmed Beşe ve Bostancı Ali ve Süleyman Beşe nâm kimesneler derûn-ı arzuhâlde mezkûr olan hasımları müderrisînden Hasan Efendi hâlâ bunda mevcûd olmayıp kazâ-i mezbûrede sâkin olmağla da‘vâları mahallinde mürâfa‘a-i şer‘ olunmağa muhtâc olup lâkin mahallinde mürâfa‘a ve mezbûr ile mukāvemete kudretimiz yokdur deyü teşekkî ettiklerinde kazâ-i mezkûr ahâlîsinden sekiz nefer mazbûtü’l-esâmî kimesneler mezbûrûnun takrîrlerini ihbâr etmeleriyle kazâ-i mezkûrun civârında vâki‘ Kastamonu nâibi huzûrunda mürâfa‘a-i şer‘ olmaları için fermân-ı âlîleri ihsân buyrulmasını iltimâs eyledikleri huzûr-ı âlîlerine i‘lâm olundu. Fî 12 min-Rebî‘ülâhir sene 1153.