Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 565 Hüküm no: 785 Orijinal metin no: [88b-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İshak Beşe’nin Yusuf Beşe’yi yaralaması davasında sulh olduğu Ma‘rûz Mumcu Mehmed Beşe mübâşeretiyle Bâb Mahkemesi’ne ihzâr olunan Canbaz İshak Beşe’nin hasmı Yusuf Beşe meclis-i şer‘de mezbûr İshak Beşe târîh-i i‘lâmdan bir gün mukaddem İstanbul’da Atpazarı’nda kendi ahırında sol kaşımın üstüne akçe tahtası ile bi-gayr-ı hakkın darb ve cerh etmekle mûcib-i şer‘îsini taleb ederim deyü tasaddî eylediği cerh da‘vâsından tavassut-ı muslihîn ile kırk guruş bedel-i makbûza sulh olup cerh-i mezkûra ve mâ-yahdüsü anhe müte‘allıka âmme-i da‘vâdan mezbûr İshak Beşe’nin zimmetini ibrâ ve ıskāt eyledikde ol dahi meclis-i şer‘de kabûl eylediği huzûr-ı âlîlerine i‘lâm olundu. Fî 17 min-şehri Rebî‘ülâhir sene 1153.