Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 570 Hüküm no: 796 Orijinal metin no: [89b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed’in validesi Hatice’nin, evinin damından düşerek vefat ettiği Ma‘rûz Sâdır olan fermân-ı âlîlerine imtisâlen kıbel-i şer‘den irsâl olunan kâtib dâ‘îleri derûn-ı arzuhâlde mezkûr Hoca Ömer Efendi odaları demekle ma‘rûf müteehhilîn odalarında sâkin sâhib-i arzuhâl Mehmed’in menziline varıp mahalle-i mezbûre ahâlîsinden müseccelü’l-esâmî Müslimîn huzûrlarında akd-i meclis-i şer‘-i şerîf ettikde mezbûr Mehmed’in vâlidesi olup târîh-i i‘lâm günü menzil-i mezbûrun tahta-pûşundan aşağıya düşüp fevt olan Hadîce’nin a‘zâsına Zeyneb bt. İbrahim ve Saliha bt. Hüseyin ve Âişe bt. Osman ve diğer Âişe bt. Abdullah ve Safiye bt. Abdullah ve Gülbuy bt. Abdullah nâm hatunlara nazar ettirdiğinde onlar dahi ba‘de’n-nazar mezbûre Hadîce mârrü’z-zikr tahta-pûşdan düşüp başının depesinin sağ tarafı ezik ve sağ kulağından kan akıp ol anda müteessiren vefât eylediğini mezbûrât Zeyneb ve Saliha ve Âişe ve diğer Âişe ve Safiye ve Gülbuy ba‘de‘l-mu‘âyene ve’l-keşf meclis-i ma‘kūdda haber verdiklerini mevlânâ-yı mezbûr mahallinde ketb ü tahrîr ve ma‘an ba‘s olunan ümenâ-i şer‘le gelip alâ-vukū‘ihi inhâ eyledikleri huzûr-ı âlîlerine i‘lâm olundu. El-emru li-men-lehü’l-emr. Fî 22 min-şehri Rebî‘ülâhir sene 1153.