Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 569 Hüküm no: 795 Orijinal metin no: [89b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed’den boşanan Fatıma Hatun’un oğlunun babasına vermesi Ma‘rûz Bâ‘is-i i‘lâm Mehmed nâm kimesne Bâb Mahkemesi’nde meclis-i şer‘de sâbık zevcesi Fâtıma Hatun muvâcehesinde benim firâşımdan hâsıl ve mezbûre Fâtıma’dan mütevellid takrîben on yaşında olan işbu sagīr oğlum Ali terbiye ve tehzîb-i ahlâka muhtâc olduğundan mâ‘adâ mezbûre Fâtıma nefsini âhara tezvîc etmekle hıdâne kendüden sâkıta olmağın sagīr-i mezbûru taleb ederim deyü ba‘de’d-da‘vâ ve’l-ikrâr mûcebince sagīr-i mezbûru babası merkūm Mehmed’e teslîme mezbûre Fâtıma’ya tenbîh olunmuşdur. Fî 22 min-şehri Rebî‘ülâhir sene 1153.