Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 570 Hüküm no: 798 Orijinal metin no: [89b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karahisarışarki’ye bağlı bazı köylerin gayrimüslim reayasının vergilerini ödemeleri Ma‘rûz Karahisar-ı sâhib [şarkī] kazâsına tâbi‘ Ezbider-i bâlâ ve Ezbider-i sagīr ve Ağvanis nâm karyelerin nısf hissesine ber-vech-i mâlikâne mutasarrıf olan Behzad Ağa’nın vekîl-i müsecceli Hasan nâm kimesne Bâb Mahkemesi’nde meclis-i şer‘de ihzâr ettirdiği David v. Toros ve Vazak v. ( ) ve Kabril v. Bağdasar ve Karabet v. Altun ve Avadik v. Kigord ve Dursun v. Parsik nâm zimmîler ile terâfü‘lerinde mesfûrûn zimmîler müvekkil-i merkūm Behzad Ağa’nın mâlikâne-i mezkûresi re‘âyâlarından olduklarını her biri ikrâr ve i‘tirâf etmeleriyle vekîl-i mezbûrun yedinde olan tuğrâlı emr-i âlî mantûkunca rüsûm-ı ra‘iyyetlerini vekîl-i mezbûra vermek üzere mesfûrûn zimmîlere tenbîh olunduğu bundan akdem zabt ve tescîl ve huzûr-ı âlîlerine i‘lâm olunmuşdur. El-emru li-men-lehü’l-emr. Hurrire fî 23 min-şehri Rebî‘ülâhir sene 1153.