Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 575 Hüküm no: 807 Orijinal metin no: [90b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Celeb Yanaki’nin alacak talebinin reddi Bâ-mühr-i efendi Ma‘rûz Arzuhâl eden Celeb Yanaki zimmî derûn-ı arzuhâlde ismi mezkûr Ligoraki zimmîden merkūm Ligoraki Eflak Beyliği’nin kethüdâsı olup benim Eflak’da iki nefer kimesne zimmetinde bâ-temessük iki yüz seksen guruş alacağım olmağla tahsîli’çün iki kıt‘a temessükleri beş sene mukaddem kendüye verip meblağ-ı mezbûru mersûm Ligoraki’den taleb ederim deyü tasaddî eylediği da‘vâsını şer‘an tashîhe kādir olmamağla merkūm Ligoraki’ye suâl dahi teveccüh etmediği huzûr-ı âlîlerine i‘lâm olundu. Fî 26 min-Rebî‘ülâhir sene 1153.