Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 575 Hüküm no: 806 Orijinal metin no: [90b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alacağa kefil olan Saraç Mustafa’nın kefaletten kurtulduğu Ma‘rûz İstanbul’da Ali Paşa-i atîk mahallesinde sâkine sâhibe-i arzuhâl Fâtıma bt. Mustafa nâm hatun ba‘de’t-ta‘rîfi’ş-şer‘î meclis-i şer‘de derûn-ı arzuhâlde mezkûrü’l-ism Sarrâc Mustafa’dan zevcim Abdulkadir nâm kimesne zimmetinde hakkım olup sen mezbûr Abdulkadir’in nefsine vekîl olmağla ihzârını taleb ederim deyü da‘vâ ol dahi ber-vech-i muharrer kefâletini ba‘de’l-ikrâr zevci mezbûru meclis-i şer‘a ihzâr ve zevcesiyle lede’l-murâfa‘a biribirilerinin zimmetlerini ibrâ edip ol vechile mezbûr Sarrâc Mustafa kefâletden halâs oldukdan sonra mezbûre Fâtıma Hatun mezbûr Sarrâc Mustafa’nın gerek cihet-i kefâletden ve gerek sâir cihetden âmme-i da‘vâdan zimmetini ibrâ eylediği Bâb Mahkemesi’nde tescîl ve huzûr-ı âlîlerine i‘lâm olundu. Fî 24 min-şehri Rebî‘ülâhir sene 1153.