Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 581 Hüküm no: 816 Orijinal metin no: [91b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasaplar kethüdalığına İsmail Ağa’nın tayin edildiği Vech-i tahrîr-i hurûf oldur ki İşbu bin yüz elli üç senesi mâh-ı Muharrem’in gurresinden sene-i mezbûre Zilhiccesi gāyetine gelince bâ-hatt-ı hümâyûn-ı şevket-makrûn ile mutasarrıf olduğum kasablar kethüdâlığı hizmeti rü’yetine işbu hâfızü’t-temessük el-Hâc İsmail Ağa her vechile mahal ve müstahık olmağla tarafımızdan vekîl nasb u ta‘yîn olundu ki celeb tâifeleri Tokad nâm mahalle getirdikleri bakarları kassâbân hisselerine göre taksîm ve lâzım gelen umûrlarına nizâm ve tarafımıza avâyide olan lahm ve mum ve paça ve pasdırmalık edâ olunmak şartıyla işbu zabıt temessükü tahrîr ve yedine vaz‘ olundu ki tarafımızdan ve taraf-ı âhardan kimesne müdâhale eylemeye. Ali Kethüdâ-yı Kassâbân-ı Bakar