Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 111 Hüküm no: 36 Orijinal metin no: [6a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kazancı Yorgi v. Praşkova’nın Hacı Mehmed b. Ahmed’e olan borcunu ödemesine yapılan tenbih Ma‘rûz İstanbul’da Lütfi Paşa mahallesi sâkinlerinden Hacı Mehmed b. Ahmed meclis-i şer‘-i enverde kazgancı tâifesinden Muhzır Ali mübâşeretiyle ihzâr-ı şer‘ olunan Yorgi v. Praşkova zimmî muvâcehesinde merkūm Yorgi işbu yedime verdiği temessüğü mantûkunca malımdan ve yedimden istikrâz ve ahz u kabz ve istihlâk eylediği elli guruş deyninin on beş guruşunu bana edâ ve teslîm edip ve otuz beş guruşu zimmetinde bâkī kalmağla taleb ederim deyü ba‘de’d-da‘vâ ve’s-suâl merkūm Yorgi zimmî cevâbında fi’l-vâki‘ müdde‘î-i mezbûrdan elli guruş ahzını ikrâr ancak târih-i i‘lâmdan altı ay mukaddem Sultan Bâyezid İmâreti kapısı önünde kabzını i‘tirâf eylediği on beş guruşu yedimden ahz eyledikde mâ‘adâ otuz beş guruşdan zimmetimi ibrâ etmişidi deyü olan def‘ini beyâna kādir olamayıp istihlâf dahi etmemeğin alâ-mûceb-i i‘tirâfihî meblağ-ı bâkī-i mezkûr otuz beş guruşu müdde‘î-i mezbûr el-Hâc Mehmed’e edâ ile merkūm Yorgi zimmîye tenbîh olunduğu bâbdan huzûr-ı âlîlerine i‘lâm olundu. Fî 22 Rebî‘ülevvel sene 1162