Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 113 Hüküm no: 40 Orijinal metin no: [6b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeyneb bt. Abdullah’ın boşandığı kocası Berber Mehmed b. Yahya’da mehir bedeli ve iskan bedeli talebiyle açtığı davada haksız bulunduğu Ma‘rûz Zâtı ba‘de’t-ta‘rîf-i şer‘î sahibe-i arzuhâl Zeyneb bt. Abdullah nâm hatun meclis-i şer‘de derûn-ı arzuhâlde mezkûrü’l-ism zevc-i sâbıkı Berber Mehmed b. Yahya muvâcehesinde mezbûr Mehmed zevcim olup târih-i i‘lâmdan otuz gün mukaddem beni bâyinen tatlîk etmekle zimmetinde mütekarrer ve ma‘kūdün-aleyh on guruş mehr-i müeccelim ve nafaka-i iddet-i mu‘ayyene-i ma‘lûmem ile ve meûnet-i süknâmı mezbûr Mehmed’den taleb ederim deyü ba‘de’d-da‘vâ ve’s-suâl mezbûr Mehmed cevâbında kazıyye minvâl-i meşrûh üzere olduğunu ikrâr lâkin târih-i mezkûrede iki guruş bedel-i makbûza sulh olup hukūk-ı zevciyete müte‘allika âmme-i da‘vâdan benim zimmetimi ibrâ ve ıskāt eyledi deyü ba‘de’d-def‘ ve’l-inkâr mezbûr Mehmed def‘-i mezkûrunu es-Seyyid Ahmed b. İsmail ve Berber Ali b. Mehmed şehâdetleriyle mezbûre Zeyneb muvâcehesinde vech-i şer‘î üzere isbât etmeğin mûcebiyle mezbûre Zeyneb Hatun bî-vech-i şer‘î mu‘ârazadan men‘ olunduğu Mahkeme-i Bâb’dan huzûr-ı âlîlerine i‘lâm olundu. Fî 22 min-şehri Rebî‘ülevvel sene 1162