Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 154 Hüküm no: 101 Orijinal metin no: [15a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tablakâr İslam’ın, ekmek bedelinden Musallâ Fırını ustası Krayo v. Boyo’ya olan borcunu ödemesine yapılan tenbih Bâ-mühr-i hazret-i efendi Ma‘rûz Habbâz tâifesinden Musallâ Fırını ustası Krayo v. Boyo nâm zimmî meclis-i şer‘de Mumcu Mustafa Beşe mübâşeretiyle ihzâr ettirdiği Tablakâr İslam ile terâfu‘larında mezbûr zimmetinde nân-ı azîz semeninden iki yüz otuz guruş hakkım olmağla taleb ederim deyü ba‘de’d-da‘vâ ve’s-suâl mezbûr İslam meblağ-ı merkūm iki yüz otuz guruş müdde‘î-i mesfûra cihet-i mezkûreden zimmetinde deyni olduğunu ikrâr ve i‘tirâf etmeğin mûcebince meblağ-ı mezkûrun tamamen edâsıyla mezbûr İslam ilzâm olunduğu huzûr-ı âlîlerine i‘lâm olundu. Fî 26 Rebî‘ülâhir sene 1162