Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 168 Hüküm no: 122 Orijinal metin no: [18a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Anteb’de Vezir Hacı Hüseyin Paşa Camii hatibi Şeyh Mehmed Halife b. Hacı Mehmed’in kendi isteğiyle görevini Mehmed Halife b. Hacı Mehmed’e devrettiği Ma‘rûz İşbu berat-ı şerîf-i âlîşân derûnunda mastûrü’l-ism olup medîne-i Ayıntab’da vâki‘ merhûm Sivas vâlîsi Vezîr el-Hâc Hüseyin Paşa Câmi‘-i şerîfi’nde câmi‘-i şerîf vakfından almak üzere yevmî sekiz akçe vazîfe ile hatîb olduğu yine medîne-i mezbûre ahâlîsinden mahmiye-i İstanbul’da Mahmud Paşa mahallesinde sâkin Evliyâ el-Hâc Halil Efendi b. el-Hâc Ahmed ve medîne-i mezbûre kal‘ası sipâhilerinden olup mahmiye-i mezbûre[de] Kıblelizâde Hanı’nda müsâfiren sâkin İbrahim Bey b. Hacı Mehmed nâm kimesnelerin alâ-tarîkı’ş-şehâde ihbârlarıyla zâhir olan eş-Şeyh Mehmed Halîfe b. el-Hâc Mehmed meclis-i şer‘-i enverde hitâbet-i mezkûresini vazîfe-i merkūmesiyle kendi hüsn-i rızâ ve ihtiyârıyla erbâb-ı istihkākdan işbu râfi‘-i rukka‘-i darâ‘at es-Seyyid el-Hâc Mehmed Halîfe b. el-Hâc Mehmed’e ferâğ ve kasr-ı yed edip ve işbu yedindeki berat-ı şerîfini mezbûr es-Seyyid el-Hâc Mehmed Halîfe’nin yedine verip kendinin ol vechile ferâğ ve kasr-ı yedinden hitâbet-i mezkûreyi vazîfe-i merkūmesiyle mezbûr es-Seyyid Hacı Mehmed Halîfe’ye tevcîh ve inâyet ve yedine berat-ı şerîf-i âlîşân sadaka ve ihsân buyurulmak ricâsıyla istirhâm eylediği Mahkeme-i Bâb’dan huzûr-ı âlîlerine i‘lâm olundu. Fî 8 Ca sene 1162