Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 177 Hüküm no: 134 Orijinal metin no: [19b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Mehmed’in, hizmet bedelinden alacağı olduğu Fâtıma Hatun’la anlaşarak sulh oldukları Ma‘rûz Derûn-ı arzuhâlde mezkûreti’l-ism olup ve sin [ve] cüssesinin bulûğa tahammülü ve bulûğunu dahi mu‘terife olup zâtı ta‘rîf-i şer‘î ile mu‘arrefe olan Fâtıma bt. Mehmed Bâb Mahkemesi’nde meclis-i şer‘de diğer Fâtıma bt. Abdullah nâm hatun muvâcehesinde bundan akdem mezbûre diğer Fâtıma’nın talebiyle kendiye on iki ay hizmet etmemle şuhûr-ı mezkûrda iktizâ eden ecr-i mislimi mezbûre diğer Fâtıma’dan taleb ve da‘vâ sadedinde iken bâ-vesâtet-i muslihîn da‘vâ-yı mezkûremden mezbûre diğer Fâtıma Hatun ile bin beş yüz kırk akçe bedel-i makbûza sulh olup husûs-ı mezkûra müte‘allika âmme-i da‘vâdan mezbûre diğer Fâtıma ile gāibetü ani’l-meclis Nâile bt. Abdullah nâm hatunların zimmetlerini ibrâ ve ıskāt eyledim dedikde mezbûre diğer Fâtıma dahi ber-vech-i muharrer ibrâ-i mezkûru kabûl eylediğinden sonra mezbûre Fâtıma’nın hâl-i sıgārında vasîsi olup zâtı ta‘rîf-i şer‘î ile mu‘arrefe olan sahibe-i arzuhâl Âişe Hatun meclis-i mezkûrda mezbûre Fâtıma ba‘de zamânin mezbûre diğer Fâtıma’dan ücret-i mezkûreyi taleb ve da‘vâ ve nesne ahz ederse me’hûzuna ben dâmin ve kefîlim dediği huzûr-ı âlîlerine i‘lâm olundu. Fî 14 Cumâdelûlâ sene 1162