Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 178 Hüküm no: 136 Orijinal metin no: [20a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hallac Nikola’nın Tüccar Hacı Ali’den satın aldığı pamuk bedelinden fazla ödediği paranın geri verilmesi talebiyle açtığı davada haksız bulunduğu Ma‘rûz Hallâc tâifesinden sahib-i arzuhâl Nikola nâm zimmî meclis-i şer‘-i hatîrde tüccâr tâifesinden derûn-ı arzuhâlde mezkûrü’l-ism el-Hâc Ali mahzarında târih-i i‘lâmdan iki sene mukaddem mezbûr el-Hâc Ali’den seksen bir guruşa iştirâ ve kabz eylediğim üç kantar penbe için mezbûr el-Hâc Ali benden bi’d-defa‘ât yüz elli guruş almağla hâlâ benden semen-i meblağ-ı mezkûr seksen bir guruşdan ziyâde aldığı altmış dokuz guruşu mezbûr el-Hâc Ali’den taleb ve istirdâd ederim deyü ba‘de’d-da‘vâ ve’s-suâl mezbûr el-Hâc Ali cevâbında fi’l-vâki‘ târih-i mezkûrda müdde‘î-i mesfûra ber-vech-i [muharrer] ol mikdâr penbe bey‘ini ikrâr lâkin semen-i mezkûrundan müdde‘î-i mesfûrdan ancak altmış bir guruş aldığını ikrâr ziyâde aldığını inkârından mâ‘adâ müdde‘î-i mesfûr ile târih-i i‘lâmdan on gün mukaddem semen-i mezkûresini hesâb gördüğümüzde benim müdde‘î-i mesfûr zimmetinde zuhûr eden yirmi guruş hakkımı bana teslîm ben dahi ba‘de’l-ahz herbirimiz hesâb-ı mezkûra müte‘allika da‘vâdan âharın zimmetini ibrâ ve ıskāt etmişidik deyü ba‘de’d-def‘ ve’l-inkâr mezbûr el-Hâc Ali def‘-i mezkûrunu lede’t-tezkiye adâletleri zâhir olan İbrahim b. Mahmud ve el-Hâc Hüseyin b. Osman şehâdetleriyle mesfûr Nikola muvâcehesinde vech-i şer‘î üzere isbât etmeğin mûcebiyle müdde‘î-i mesfûr Nikola zimmî bî-vech mu‘ârazadan men‘ olunduğu Mahkeme-i Bâb[‘dan] huzûr-ı âlîlerine i‘lâm <> olundu. Fî 14 min-Cumâdelûlâ sene 1162