Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 195 Hüküm no: 163 Orijinal metin no: [23b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ekmekçi Mehmed b. Ali’nin, mecnûn Abdullah’a verdiği ekmek bedelinden dolayı alacağını ödemesi için mecnunun kardeşi Ahmed b. Zülfikar’a otuz gün mühlet verdiği Ma‘rûz Sahib-i arzuhâl Ekmekçi Mehmed b. Ali meclis-i şer‘-i enverde İstanbul’da Silivrikapısı dâhilinde sâkin Abdullah nâm mecnûn-ı mutbıkın kıbel-i şer‘den tesviye-i umûruna mansûb vasîsi ve li-ebin er karındaşı olup derûn-ı arzuhâlde mezkûr Ahmed b. Zülfikar muvâcehesinde mukaddemâ mezbûr Ahmed mecnûn-ı mezkûr ve ıyâli’çün yedimden iştirâ ve kabz eylediği yirmi guruşluk nân-ı azîzin semen-i mezkûrunu vermeyip zimmetinde kalmağla taleb ederim deyü da‘vâ vasîyy-i mezbûr dahi ikrâr ancak edâsıyla otuz gün istimhâlinde müdde‘î-i mezbûr dahi rızâsıyla müddet-i mezkûreye imhâl ve’t-tecîl ve vasîyy-i mezbûr dahi müddet-i madrûbe tamamında edâya ta‘ahhüd ve iltizâm eylediği Mahkeme-i Bâb’dan huzûr-ı âlîlerine i‘lâm olundu. Fî 25 min-Cumâdelûlâ sene 1162