Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 195 Hüküm no: 164 Orijinal metin no: [23b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Ahmed’in, boşandığı kocası Mehmed b. Hasan’da mehir ve nafaka bedelinden olan alacağını taksitler halinde almak üzere anlaştığı Ma‘rûz Muhzır Mehmed mübâşeretiyle Bâb Mahkemesi’ne ihzâr olunan Mehmed b. Hasan’ın hasmı Âişe bt. Ahmed nâm hatun ba‘de’t-ta‘rîfi’ş-şer‘î meclis-i şer‘de mezbûr Mehmed mahzarında mezbûr Mehmed zevcim olup târih-i i‘lâm günü meclis-i şer‘de beni bâyinen tatlîk etmekle zimmetinde mütekarrer ve ma‘kūdün-aleyh olan bin dört yüz akçe mehr-i müeccelim ve nafaka-i iddet ve meûnet-i süknâm için dahi bi’t-terâzî ta‘yîn olunan dört yüz akçe ki cem‘an bin sekiz yüz akçe hakkımı mezbûr Mehmed’den taleb ederim deyü ba‘de’d-da‘vâ ve’l-ikrâr lâkin meblağ-ı mezbûr bin sekiz yüz akçeyi hâlen ve def‘aten edâya iktidârı olmayıp tecîl ve taksîte tâlib olduğunda ol dahi beher şehr kendiye ikişer guruş verip târih-i i‘lâmdan yedi buçuk ay tamamına değin meblağ-ı mezbûru tamamen edâ ve teslîm etmek üzere tecîl ve taksît eyledikde mezbûr dahi kabûl ve ber-vech-i muharrer müeccelen ve mukāssaten edâya ta‘ahhüd eylediği huzûr-ı âlîlerine i‘lâm olundu. Fî 26 min-Ca sene 1162