Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 201 Hüküm no: 174 Orijinal metin no: [24b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Abdullah’ın sandığından gerdanlığını alan kocası Mehmed b. Mehmed’in gerdanlığı hanımına iadesi için yapılan tenbih Ma‘rûz Zâtı ta‘rîf-i şer‘î ile mu‘arrefe olan bâ‘isetü i‘lâm Fâtıma bt. Abdullah nâm hatun meclis-i şer‘-i hatîrde zevc-i dâhili Mehmed b. Mehmed mahzarında târih-i i‘lâmdan altı gün mukaddem sâkine olduğumuz menzil derûnunda sandığım içinden on yedi guruş kıymetli bir altın gerdanlığımı zevcim mezbûr Mehmed bi-gayr-ı hakkın ahz etmekle hâlâ yedinde mevcûd olmağla taleb ederim deyü da‘vâ eyledikde ol dahi ber-vech-i muharrer gerdanlık ahz eylediğini ikrâr ve i‘tirâf etmeğin mûcebince zikrolunan gerdanlığı müdde‘iye-i mezbûre Fâtıma Hatun’a teslîme zevci [25a] mezbûr Mehmed’e tenbîh olunduğu Mahkeme-i Bâb’dan huzûr-ı âlîlerine i‘lâm olundu bâkī emr ü fermân men-lehu’l-emrindir. Fî-gurreti Cumâdelâhire sene 1162