Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 212 Hüküm no: 194 Orijinal metin no: [27a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail’in, boşadığı hanımı Havva bt. Abdullah’a mehir ve nafaka bedelini ödemesi Ma‘rûz Mumcu Halil Beşe mübâşeretiyle Bâb Mahkemesi’ne ihzâr olunan İsmail’in hasmı ve zevce-i mutallakası Havva bt. Abdullah nâm hatun zâtı ba‘de’t-ta‘rîfi’ş-şer‘î meclis-i şer‘-i hatîrde mezbûr İsmail muvâcehesinde mezbûr İsmail zevcim olup târih-i kitâb günü beni bâyinen tatlîk etmekle zimmetinde mütekarrer ve ma‘kūdün-aleyh olan on guruş mehr-i müeccelim ile nafaka-i iddet ve meûnet-i süknâm için dahi bi’t-terâzî ta‘yîn olunan dört guruş ki cem‘an on dört guruş hakkımı taleb ederim deyü ba‘de’d-da‘vâ ve’s-suâl mezbûr İsmail cevâbında müdde‘iye-i mezbûre ol mikdâr mehr-i müeccel tesmiyesiyle zevcesi olup târih-i mezkûrda tatlîk eylediğini ikrâr ve i‘tirâf etmeğin mûcebince meblağ-ı mezkûr on dört guruşu müdde‘iye-i mezbûre Havva Hatun’a edâ ve teslîme merkūm İsmail’e tenbîh olunduğu huzûr-ı âlîlerine i‘lâm olundu. Fî 7 min-Cumâdelâhire sene 1162